قصيدة (....30يونيو.....)
====================
من ثورة يناير بدأت حكايتي
من التحرير أنا بهتف أنا وإخواتي
إيد واحده وصوت واحد بنحي بلادي
نهتف بإسم الحرية نطالب
وحرتنا وشوارع حتتنا إتفقوا
للتحرير هنروح ونادي
مش هنخاف أو نتراجع
أبدا أبدا مش نعود
إلا ما ترجع لينا بلدنا
إحنا الشهدا إحنا ولدها وإحنا رجالها
في الشدة هنكون وياها
نحميها ونفديها بأروحنا
لما عروس النيل تتحكي
لما البدر ينور مصر
لما يرفرف علم النصر
لما نحررأرض بلادي
لما نشوف دمع الفرحة في أهل الشهدا
يلا بسرعة فوق من العتمة
إنزل علي بصوتك وإهتف
يسقط يسقط حكم المرشد
فين العزة وشرف النصر
فوقي يا مصر!!!
مرسي يا ريس فاكر لما أخدت العهد
لما حلفت تكون لبلدنا حاكم عادل
ناصر مصر؟!؟!؟
عهد منافق عمره ما يكمل
عهد الخونة مش هيطول
إوعي تفكر إن الكرسي معاك هيدوم
خيرت شاطر عمره يا مرسي ما هيفديك
إبن المصري هو لوحده يعمر بلده
هو لوحده يواجه خرفان باعوا بلاده
مرسي يا ريس
مهما هيحصل من تخويف أو ترهيب
برده هنفضل واقفين ضدك
وشك نحس علينا يا مرسي
من يوم ممسكت بلدنا
ومصايب بتحط علينا
خليك فاكر يوم 30يونيو هنتواجه
مرسي يا ريس إنت ريسنا ولا أنا بحلم
بس الحلم هيبقي حقيقة
مش هتكون لبلدنا رئيس
إنت جبان ظالم خارب بلد النصر
إوعي تفكر إن تجرد هتوفيك
أو حتي الإخوان يحموك
حدوتة بلدي بديتها هتكون مخلوع
لعب الكراتية في رابعة العدوية مش هيفيد
ولا مصر الحرة وقناة الشعب
هيلمعوا صورتك
فوق بقي من خيبة أملك يا ريسنا
لا هنتبلي عليك ولا نكدب
من يوم ما مسكت بلدنا
والنهضة شغالة الله أكبر
حتي الأسعار في العالي بترفع
والمايه بتقطع والكهربة ولعت
وريسنا من الفرحة مكركع
النهضة ما شاء الله شغاله
والشعب جميل والعيشة هنية
وإل بيلعب وإل بيجري وإل بيتظاهر
والمولد من الناس مليان
وبلدنا من الحزن كئيبة
والشعب من النهضة جعان
طهقان!!!!!!!
عذرا يا ريسنا أقصد شبعان
مرسي يا باشا
بلدنا دي فاقت
والمصري بيهتف وينادي
يسقط يسقط حكم المرشد
يسقط يسقط حكم المرشد
-------------------------------------------------------------
بقلمي/رفيدة المقدام
0 التعليقات:
إرسال تعليق